HISTORIA YA KANISA LA PENTEKOSTE SINGIDA (STCC-Singida Town Centre Church):

Singida Town Center Church (STCC) ni kanisa la Pentekoste Singida, ni mama wa makanisa yote ya FPCT mkoa wa Singida, na ndilo kanisa la kwanza la kipentekoste katika mji wa Singida. Jengo hili ambamo leo tunafanyia ibada lilikuwa  ni kanisa la Kitlutheri, na hili ndilo kanisa la kwanza katika mji wa Singida. Jengo hili lilijengwa mwaka 1936.

Kanisa hili Lilianzia katika katika kijiji cha Unyanga, kitongoji cha Isingo mwaka 1963 mwezi juni. Baadae kanisa lilihamia mjini Singida katika eneo la mitunduruni ambako nyumba moja ilinunuliwa, Mchungaji alikaa hapo na ibada zikafanyikia hapo (kwa bahati mbaya nyumba hii iliuzwa mwaka 1995 kwa ajili ya ujenzi wa kanisa la Kibaoni).

Mwaka 1970 kanisa lilihama kutoka Mitunduruni na kuhamia katika eneo la Ipembe- katikati ya mji wa Singida (yaani hapa tulipo). Jengo hili, awali lilikuwa kanisa la kilutheri, jengo hili lilinunuliwa kutoka kwa Walutheri kwa thamani ya Shilingi 23,700/- na fedha hizo  za kununulia jengo hili zilitolewa na mtumishi wa Mungu kutoka Denmak anayeitwa Paul Paulsen (sasa hayupo duniani tena).

Kuanzia hapo kanisa lilipanuka na kusambaa katika mkoa mzima wa Singida na kufanya leo takribani kila kijiji kuwa na kanisa la Pentekoste. kutoka katika kanisa hili, kuna watumishi wengi waliosambaa nchi nzima,wakifungua kazi mpya. Na wengine wanafanya kazi ya utume nje ya Tanzania.

Kanisa lilianzishwa na Wamissionari kutoka katika kanisa la Herning-Denmark naye ni  missionari Alfred Jensen na Mke wake Ulla, mwaka 1962 alipokuwa Sanjaranda Alfred aliota ndoto ya kuanzisha kazi mpya katika mji wa Singida, ndipo mwezi juni 1963 alifika Singida na kuanzisha kanisa hili. 

Wamisionari wengine waliofanyakazi hapa Singida kutoka Denmark ni pamoja na Peter Madsen na mke wake Anne Lise (Baba yake Torben Madsen), Egon Falk na mke wake Hanner, Over Petersen na mke wake Dorrit, Eve Boeson,  kutoka  Norway  ni Gudbrad Sanvord na mke wake Inger, na kutoka Uingereza ni Nigel Double na mke wake Barbara  na Anthony Williams na mke wake  Elizabeth.

Mchungaji wa kwanza mzalendo  ni Mchungaji Zephania Mtinangi (marehemu), akifuatiwa na Andrea Duma (marehemu), akifuatiwa  na wengine wengi, hatimaye mchungaji Mathayo Timo makhata mwaka 1986 hadi 1992 na sasa Dr.Paul Samweli mwaka1992 hadi leo.

Kanisa hili tangia kuanzishwa kwake mwaka 1963 liliungana na makanisa mengine ya pentekoste katika Tanzania yaliyokuwa yakifanya kazi chini ya Muungano uliokuwa ukijulikana kama Umoja wa makanisa ya pentekoste Tanzania (UMPT), (Chini ya UMPT kila kanisa la mahali lilikuwa na usajiliwa wake) Lakini mwaka 2000 makanisa yalikubaliana kutengeneza katiba moja na kuwa na kanisa moja lenye usajili moja ambalo  sasa linalojulikana  kama ‘’The Free Pentecostal Church of Tanzania (FPCT)’’ lililosajiliwa mwaka 2000 kwa Namba SO 6640 na Wizara ya Mambo ya Ndani Ya Jamhuri ya Muungano wa Tanzania. Kwa maana hiyo sasa kanisa la  Pentecoste Singida (STCC) linafanya kazi chini ya kanisa la mahali la Singida  la The Free Pentecostal Church of Tanzania (FPCT).

Tupe Maoni Yako( Matusi Hapana )

Filed Under: HISTORI